Hvað er að gerast með Eið???

Er nú búinn að vera að horfa á leikinn frá byrjun og Eiður var ekkert að standa sig illa ekkert frekar en ALLT Barcelona liðið... En að vera tekinn útaf eftir 23 mín er rosaleg niðurlæging fyrir landsliðsfyrirliðann og þá sérstaklega þegar að einhver gutti er settur inná í staðinn sem að er varla búinn að sleppa pelanum!!!!!!!! Eiður HLÝTUR að koma sér í burtu frá þessu fallandi liði!!!! Eið aftur til Englands!!!!!!

Eiður Smári útaf vegna meiðsla eftir 23 mínútur

Athugasemdir

[Jói (IP-tala skráð) 7.5.2008 kl. 20:42]

Hann er bara ekki nógu góður fyrir Barcelona.

[Skarfurinn, 7.5.2008 kl. 20:42]

Hefði hann einhvern metnað væri hann löngu farinn, en hann er ánægður með risa laun fyrir að verma tréverkið, það á að svipta hann fyrirliðabandinu strax hjá landsliðinu.

[Sveinn Guðgeir Ásgeirsson, 7.5.2008 kl. 20:45]

Jói hann er nú þrusugóður leikmaður hann Eiður og alveg nógu góður fyrir Barcelona... hefur sýnt það í þeim leikjum sem að hann fær að spila...

Skarfurinn. ég heyrði það um daginn reyndar að Eiður sé að spá í að koma sér í burtu fæ það vonandi staðfest eftir þennan leik... 

[RagnarH (IP-tala skráð) 7.5.2008 kl. 20:47]

Eiður Smári hefur ekkert sem heitir metnaður, ef svo væri þá væri hann löngu búnað koma sér frá Barcelona. En honum finnst hann bara of góður til að vera hjá liði eins og Fulham, Bolton, Newcastle.

Honum finnst fínt að verma bekkinn og gera ekki rassgatið og fá risalaun. Aumingji. 

[Bjarni (IP-tala skráð) 7.5.2008 kl. 20:53]

Eiður hefur ekkert fengið að spreyta sig í vetur að kalla,hann er ekkert síðri en flestir í liðinu Barskar eru ekki ánægðir maður sér leiðan í liðsheildinni.En að Eiður á að spila á Englandi ekki spurning en ekki í fallliðum eins og Fulham og Bolton.

[Gunnar Reyr Sigurðsson, 7.5.2008 kl. 20:53]

Hver vill ekki vera í Barcelona - hvort sem er á bekknum eða inni á vellinum? Ég held þið áttið ykkur ekki alveg á þeim árangri sem drengurinn hefur náð með því bara að komast í hópinn hjá stærsta félagsliði í heimi.

Það er mín skoðun eins og ykkar að hann hefði hugsanlega átt að vera búinn að koma sér í lið sem hann gæti spilað meira. Hins vegar ef þið hugsið þetta út frá hans sjónarhorni, þá er hann bara í ansi góðum málum, safnar peningum (vonandi) og ég tala nú ekki um, sem er örugglega ekki minna mikilvægt í hugsa Eiðs, að strákarnir hans fá að æfa í flottasta klúbbi heims og við flottustu aðstæður sem gerast.

Það eru fleiri hliðar á þessu. 

[Sveinn Guðgeir Ásgeirsson, 7.5.2008 kl. 21:06]

Satt er það Gunnar að hann hefur náð frábærum árangri að hafa komist í hópinn hjá Barca... En það að strákarnir hans séu að æfa hjá flottasta klúbbi í heimi á ekki að ráða því hvort að hann fari eða ekki, þetta er náttúrulega vinnan hans og hann hlýtur að hafa aðeins meiri metnað en að sitja á bekknum eða jafnvel að komast ekki í hópinn! Hann getur sómað sér vel í hvaða liði sem er og ég held að hann gæti gert góða hluti með hvaða liði sem er á Englandi

[Gunnar Reyr Sigurðsson, 7.5.2008 kl. 21:13]

Mikið til í því - ég held hins vegar að hann sé að hugsa um fjárhagslega framtíð sinnar fjölskyldu númer eitt og númer tvö að strákarnir hans fái að æfa við þessar aðstæður. Hann getur alltaf komast að hjá góðum klúbbi annarsstaðar. Allt hefur sinn tíma.

[besservissinn, 7.5.2008 kl. 21:51]

það er nú þvílíkur hroki að segja að hann hafi engan metnað! meina kommon, þegar hann fór til Barca þá var það besta félagslið í heimi. Gaurar með engan metnað hefðu farið í lið sem þeir þyrftu lítið að hafa fyrir því að komast í hópinn. Það má kannski tala um það að hann hefði átt að fara í janúarglugganum, en allt fyrr hefði greinilega verið uppgjöf í honum. Það er náttúrulega alltaf gott að vera vitur eftirá, en hann var eflaust að vonast til að fá að spila meira eftir áramót - en svo er hann líka á samning og Barca er ekkert að fara að gefa hann frá sér.

Ekki nógu góður fyrir Barcelona? Veit nú ekki betur en Barcelona hafi staðið sig betur þegar Eiður fékk reglulega að spila fyrsta tímabilið heldur en núna undanfarið þegar Eiður hefur lítið fengið að spreyta sig. 

Núna er hinsvegar rétti tíminn til að hypja sig ... ekki nema nýr þjálfari Barca hafi mjög sterk plön fyrir Eið, sem ég þó stórefa. Það væri náttúrulega ekkert fáránlegra en að leyfa Rijkard halda áfram með þetta lið - hans tími er mun meira kominn heldur en Eiðs....... 

[Jakob Viðar (IP-tala skráð) 7.5.2008 kl. 22:28]

Eiður er ekki lengur fyrirliði íslenska landsliðsins.

[Jói (IP-tala skráð) 7.5.2008 kl. 23:55]

RagnarH, hvað hefur þú gert þér til frægðar á lífsleiðinni til að hafa efni á því að kalla Eið aumingja? Magnað hvað mér leiðast svona bloggarar eins og þú sem hella svívirðingum yfir allt og alla. Ég sagði hér í fyrstu athugasemdinni að ég teldi Eið ekki nógu góðan fyrir Barcelona og ég stend við það. Eiður er hörkugóður fótboltamaður en ég tel hann því miður ekki vera á því level að vera byrjunarmaður hjá Barcelona. Heldur ekki hjá t.d. Liverpool, Man. Utd. eða Arsenal. En Eiður er samt frábær fótboltamaður og sá Íslendingur sem hefur náð lengst og öðlast mesta frægð í þeirri íþrótt. Og hann á svo sannarlega annað og betra skilið en að vera kallaður aumingi af einhverjum mönnum úti í bæ.

[besservissinn, 8.5.2008 kl. 00:46]

Ætti Eiður að vera í Barca áfram bara útaf launum!? Það væri afskaplega lélegt, svo það verði ekki meira sagt. Aldrei viðlíka samning aftur? Ég veit ekki betur en það hafi verið talað um að hann hafi tekið á sig launaminnkun við að fara frá Chelsea, eða þá að minnsta kosti að hans samningur við Barca hafi ekkert verið svo rosalega góður. En burtséð frá því þá eykur hann líkurnar á því að fá ágætis samning í framhaldinu ef hann fer frá Barca og sýnir frekar hvað hann getur, í stað þess að hanga bara áfram á bekknum, já eða ekki einu sinni það.

Svo eru ekki allir eins og Flamini, sem hugsa ekki um neitt annað en peninga.... 

[Heimir (IP-tala skráð) 8.5.2008 kl. 10:51]

Menn virðast einmitt vera búnir að gleyma því að Eiður lækkaði í launum við það að fara frá Chelsea til Barcelona.  Það að spila fyrir einn stærsta og frægasta klúbb í heimi og taka á sig launalækkun til þess ber vott um mikinn metnað.  Hann hefði getað gert einsog Winston Bogarde gerði hjá Chelsea, hanga í varaliðinu í mörg ár með fleiri milljónir á viku, en Eiður er metnaðarfullur knattspyrnumaður sem vill fyrst og fremst ná árangri í íþróttinni, þess vegna fór hann til Barcelona.

Og það hefur einmitt sýnt sig að Barcelona-liðið hefur verið að spila lélegri fótbolta síðasta eina og hálfa árið þegar Eiður hefur lítið fengið að spila en þegar hann fékk reglulega að spila.  Að mínum dómi er hann betri en flestir leikmenn Barcelona, aðeins menn einsog Messi, Henry, Iniesta (af hverju notar Rijkaard hann svona lítið en spilar þessa unglinga í staðinn sem ekkert kemur út úr) og Xavi sem gætu talist betri en Eiður.