Fjandinn laus...

Hef nú ekki haft mikinn áhuga á að rita um mál líðandi stundar sökum þess að mér verður hreinlega óglatt á því að tala eða lesa um þetta en í kvöld horfði ég á Kompás þáttinn með honum Bjögga Jr.

Bjöggi segir að Bretarnir hafi vaknað á sunnudeginum 5 okt. og sent alla menn í að reyna að redda Icesave undir sína ábyrgð, ræst út forstjóra breska fjármálaeftirlitsins og hann hafi setið alla símafundi og ég veit ekki hvað og hvað, og hvatt stjórn Landsbankans til að leggja fram 200 milljóna punda í tryggingu til fyrir Icesave. Landsbanka menn höfðu samband við Seðlabankann til að redda þessu og svar þyrfti að koma fyrir klukkan 12 á hádegi á mánudeginum 6 okt. ekkert svar kemur fyrr en klukkan 12:30 og svarið var NEI... Er Bjöggi semsagt að segja það að seðlabankinn og ríkisstjórnin hefðu getað komið í veg fyrir allt þetta djöfulsins vesen???? Svo les ég á vísir.is þar sem að Geir Haarde segir fráleitt að gera að því skónna að íslensk stjórnvöld eða Seðlabankinn hafi reynt að standa í vegu fyrir því að þetta gerðist eða trufla það ferli.

Bíddu fær forsætisráðherra ekki að vita um hluti sem að gætuð bjargað landinu frá gjaldþroti?? En þetta er ekki búið sama dag og Landsbankinn fær neitun uppá fyrirgreiðslu fær Kaupþing einmitt þennan pening til að reyna að redda sér úr hremmingum, það vita allir hvernig það fór, en grípum niður í frétt vísis.is

"Seðlabankastjórar vildu ekki koma í viðtal vegna málsins í dag en bankinn gerir athugasemdir í bréfi. Þar segir að bréf frá Landsbankanum mánudaginn sjötta október hafi verið óskað eftir 200 milljóna punda fyrirgreiðslu Seðlabankans vegna útstreymis í útibúi þeirra í Bretlandi auk 53 milljóna punda láns vegna dótturfélags Landsbankans í Lundúnum. Í samtölum við forsvarsmenn bankans hafi ekki komið fram að þó umbeðin fjárhæð fengist væri óvíst hvort hún dygði og fjárþörfin gæti hækkað. Ekki hafi verið minnst á flýtiafgreiðslu breska fjármálaeftirlitsins. Því sé fullyrðing Björgólfs Thors að 200 milljóna punda fyrirgreiðsla dygði til að leysa allan vanda Landsbankans standist ekki. Einnig sé frásögn hans að rás atburða röng" 

Er þá Bjöggi að ljúga??? Ég er hættur að átta mig á því hver er að segja satt og hver ekki... Getum við ekki bara fengið FBI hingað heim með góðan lygamæli og setja allt heila draslið í próf???

Og annað hvernig stendur á því að ríkistjórnin sitji ennþá??? Er þetta fólk ekki í vinnu hjá mér og þér? Ef að einhver kann að skrifa gott uppsagnarbréf þá er hann vinsamlega beðinn um að redda mér slíku og svo prenta ég það út og rölti niðrí ráðuneytin og rétti þessu fólki sín uppsagnarbréf og bið þau vinsamlega um að víkja úr starfi sínu strax!!!!

 

Vissiru að Árni M. Mathiesen  er ekki menntaður hagfræðingur, stærðfræðingur eða eitthvað slíkt??? Nei hann er dýralæknir...

Vissiru að Seðlabankastjórinn í Zimbave er meira menntaður sem slíkur en Seðlabankastjóri Ísland? 

Athugasemdir

[H G, 27.10.2008 kl. 22:54]

"Satt og logið sitt er hvað / sönnu er best að trúa. / En hvernig á að þekkja það / þegar flestir ljúga?"  Þetta er úr gömlu, góðu ljóði eftir Páll Ólafsson. - Á vel við hér og nú

[Sveinn Guðgeir Ásgeirsson, 27.10.2008 kl. 23:16]

rétt er það....

[Ingvar Valgeirsson, 28.10.2008 kl. 16:29]

Ég er nú nokkuð viss um að skólarnir sem D. Odds lærði við eru skárri en hagfræðideild Zimbabweháskóla...

En þetta er orðið nokkuð snúið, þegar það er jú morgunljóst að fleiri en einn eru að segja minna en allan sannleikann og hver bendir á annan og segir "þetta er honum að kenna!"

[Sveinn Guðgeir Ásgeirsson, 28.10.2008 kl. 19:19]

D.Odds er menntaður lögfræðingur en hefur aldrei starfað sem slíkur... það er hagfræðingur sem að er seðlabankastjóri í seðlabanka Zimbawe annað hér heima... reyndar eru hinir tveir sem að eru einnig seðlabankastjórar hér heima hagfræðingar en einhverra hluta vegna held ég að þeir ráði frekar litlu...